يناديني نبض قلبــــــك وأنا قلبـــي يناديكم
وروحــي من كثر حبك تغنـــي أعذب المــــــوال
أهيم بجـــــو أحلامك وأعـــــود ولا أخليكم
وأسافر في الفضــــا الواسع أناجي نجمة الآمال
عظيم الشوق في قلبي وفكري غارق فيكم
متين الحـــب ما يضعف وعودك يالغــــلا ميـــال
تسلينــــــــي تناجيني تمنيــــــــني ألآقيكـم
عسا هالوعـــــــد يتحقق ولا تتبــــــــدل الأحوال
تنام ورود قلبك ليل وأنا ورودي تراعيكــم
ويسهر راعبي حبـــــي وعصفورك مريح البـال
ونجمة تبعث بنــــورين في ظلمة تحييكــم
تبين قلبــــــي وقلبك يعاكســـــــها وترد الحـــال
أنا قلبي ويفديكـــــم وأنا روحي تهنيـــــكم
وأنا عينـــــــي تسليكم ولك يا معذبـــــــي تختال
أكيد انته سلبت الروح والخاطــــر يداريكم
وأكيـــــــد انته ملكت القلب لا حاســــد ولا عذال
لك التصريح دون قيــــود تحكمني معانيكم
وتأمرني على كيفـــــك وأنا راضي بدون جــدال
حقيقة لي عشــــق مثلك تهنى ولا يخليكـم
وأضنك من بنات الحور وللمسحور انتـــي الفال
